मातीची गुणवत्ता जाणून घेणे शेतीच्या दृष्टीने महत्त्वाचे ठरते. त्यासाठी मृदा आरोग्य कार्ड योजनेबद्दल अधिक जाणून घ्या. ही सेवा तुमच्या शेतजमिनीच्या मातीच्या गुणवत्तेला अनुरूप सल्ला देते आणि आवश्यक असलेल्या विविध पोषक घटकांच्या प्रमाणाबाबतही शिफारशी करते. खते आणि त्यांचे योग्य प्रमाण याबाबतही या सेवेच्या माध्यमातून सल्ला दिला जातो.

• मृदा परीक्षण प्रयोगशाळा शोधा
• मातीच्या नमुन्याबाबत जाणून घ्या
• मातीच्या सुपीकतेबाबतचा नकाशा

राज्यातील शेतकऱ्यांना दर्जेदार बियाणे उपलब्ध करून देण्यास सरकार वचनबद्ध आहे. राज्यातील शेतकऱ्यांना उत्तम बियाणे उपलब्ध करून देणारे, महाबीज या नावाने सुपरिचित असणारे महाराष्ट्र राज्य बियाणे महामंडळ मर्यादित हे भारतातील सर्वात मोठे आणि आघाडीचे बियाणे महामंडळ आहे. अकोला जिल्ह्यात असलेल्या या महामंडळात ५० पेक्षा जास्त पिकांच्या बियाण्यांचे उत्पादन घेतले जाते, त्यावर प्रक्रिया केली जाते तसेच विपणनही केले जाते. शेतकऱ्यांसाठी सर्व श्रेणींमधील २५० वाणे उपलब्ध आहेत. अधिक तपशीलांसाठी खाली क्लिक करा.

• बियाणे उत्पादकांची यादी
• महाबीज रोपवाटिका यादी

पिकांची वाढ आणि उत्पादकता सुधारण्यासाठी खतांचा वापर केला जातो. खतांबाबतची माहिती, किंमत आणि पोषक तत्वांवर आधारित अनुदानाबद्दल अधिक जाणून घ्या.

काही वेळा पीक उत्पादनासाठी आवश्यक तितका पाऊस पडत नाही. अशावेळी शेतकऱ्यांना विविध सिंचन पर्यायांचा वापर करावा लागतो. अशा सिंचनाचे विविध पर्याय राज्यात उपलब्ध आहेत. राज्यातील विविध सिंचन प्रकल्प आणि शेतकऱ्यांसाठी उपलब्ध सिंचन सेवांबाबत जाणून घ्या.

पिकावर पडणारे रोग, किडींचा प्रादुर्भाव आणि रोगांवर नियंत्रण ठेवण्यासाठी कीटकनाशके उपयुक्त ठरतात. शेतासाठी उपयुक्त कीटकनाशकांचे विविध प्रकार आहेत. अशा कीटकनाशकांच्या वापराबाबत कृषी विद्यालये किंवा राज्यातील कीटकनाशक उत्पादकांकडून सल्ला मिळू शकतो. कीटकनाशक फवारणीसाठी भारतात ड्रोनचा वापर वाढू लागला आहे. ड्रोनद्वारे फवारणी हा एक जलद आणि परवडण्याजोगा पर्याय आहे.